dizzy boy’s blog

missing u

It was along time since I'd wrote my last post for this blog … but it really was a hard summer cuz u know that one after graduation his mind get so busy with a lot of things but I hope Allah be with every young man all over the world for achieving his goals and his dreams come  true

كان بقالى فترة طويلة جدا مكتبتش حاجة هنا بس فعلا أقدر أقول ان الصيف ده كان ممل والواحد كان بيتشغل فيه رغما عنه بأى شئ ..... وأكيد طبعا لازم يحصل كده لأن بعد أما الواحد بيتخرج فكل الناس بتكون متوقعة منه انه يبدأ بقى ينفذ كل اللى هو درسه واتعلمه واللى اهله تعبوا نفسهم عشان حضرته يعرفه ويقدر يطبقوه فى شغله بعد كده بدون ميسأل أو يكون محتاج لحد .... بس يلا هى دى سنة الحياة الواحد يفضل يتعلم فى أحلى سنين شبابه وطفولته عشان أما يكبر ويشتغل يشتغل شغلانة محترمة تتناسب مع دراسته ( وابقى قابلنى لو لقيتها ) وأما يشتغل و يطلع عينه ف الشغل فبعد كده يتقدم لبنت الحلال اللى قلبه أختارها  ( أو اللى أهله إختاروهاله ) عشان بعد كده تبدأ فترة الكفاح ( نفس الحكاية اللى عملها المحروس أبوه معاه ) ويفضل يتعب برضه زى فترة الدراسة لكن المرة دى بقى من غير أجازات نص سنة ولا أخر سنة..... لأن ببساطة الشغل على مدار العام

*****************************************************

وربنا يستر وإبنى ميكتبش كده برضه عنى أصل أنا عارفه هيطلع إبن ...... يلا بلاش الغلط بقى ف ولاد الناس

******************************************

وان شاء الله ربنا يقدرنى وارجع اكتب تانى زى الأول

***********************

بس فعلا أيام الكلية كانت من أروع أيام حياتى

last day of exams

هذه الأغنية الرائعة سمعتها مصادفة لأول مرة على إذاعة البرنامج الموسيقى ومن يوم ما سمعتها كان نفسى احملها عندى على الجهاز بأى طريقة وفعلا دورت عليها فى جميع المواقع والمنتديات وسبحان الله ملقيتهاش غير برضه صدفة بعد كده عند واحد صاحبى.... سبب اصرارى على الحصول على الأغنية دى بالذات لأننى لقيتها أغنية كلماتها جميلة جدا....لحنها روعة....طريقة أدائها عالية جدا....وأخيرا لأن مغنيتها(Lila Downs) صوتها قوى جدا وفعلا معبر عن روحها بطريقة رائعة

Perhaps some people can't like this song….but I like " Perhaps..Perhaps..Perhaps " by " Lila Downs " sooooooo much for the 1^st  time I heard it on the radio … when I was studying for my exams ... told my self that I must bring it on my computer

Let's listen to it

Doris Day - Perhaps, Perhaps, Perhaps

WOOOOOOOOO

It's a cool car for cool guys…who wanna ride it say " I "…… I know I know….so hey let's go around it

ونرجع بقى مرة تانية مع الصيف وموضة الصيف وأنا عارف ان خروجات الصيف كتييييييييييييييييير

عشان كده حبيت أنقى شوية التيشرتات دى وكمان عشان يكمل طقم الصيف فإنه لازم جزمة أو صندل أو حتى.... شبشب

ويارب تعجبكم زى ما انا اخترتها

موتـــــــــــــــ أم حـــــــــــياة ؟؟؟

صباح يوم أمس..الجمعة29يونيو..إكتشفت حقيقة مش عارف يمكن  ترى انها غريبة أو يمكن يراه البعض ان ده الواقع...فبعد أن قمت بأداء صلاة الجمعة ورجعت للبيت عرفت من والدتى أن هناك حالة وفاة فى البلدة...وعرفت منا كمان أن المتوفى هو والد صديقى وصلاة الجنازة فى الجامع اللى انا متعود أصلى فيه الجمعة...لكن إمبارح ولسبب لا يعلم الا الله رحت صليت الجمعة فى جامع تانى قريب من البيت...وبعد ما عرفت الخبر ده من والدتى رحت للمسجد الذى تقام فيه صلاة الجنازة وجدته ممتلأ عن أخره وكمان الشارع اللى أمام المسجد وجدته مفترشا بالمصلين فإنتظرت إلى أن انتهوا من صلاة  الجمعة...ثم دخلت فى صف لأصلى صلاة الجنازة فوجدتنى محاطا بكل أصدقائى فى البلد وكمان أساتذتى فى مراحل التعليم السابقة وبعد إصطفافنا لنصلى صلاة الجنازة وفى التكبيرة الثالثة وقفت أدعوا للمتوفى بدعاء الرحمة والمغفرة...وبكيت...بكيت لأنه كم هالنى التفكير بأن أكون مكان صديقى فى هذا الموقف وأن يكون المتوفى هو أبى ــــ فكل شئ بقدره سبحانه ــــ فبكيت كما لو كنت أبكى أبى... ولما لا ونحن جميعا أخوة وأبناء لأباء قاموا بتربيتنا تربية واحدة على قيم ومبادئ نحترم فيها الصغير قبل الكبيرأنشؤنا على حب الناس وتقدير من يستحق التقدير...وعند أنتهائنا من الصلاة إنتظرنا بقلوب محطمة لحظة خروج المتوفى من المسجد ومشينا جميعا خلفه...وهنا خطرت ع بالى الحقيقة الغريبة...هل هذا موت أم إنتظار لحياة إخرى؟؟..وشعرت وكأن الموت والحياة تساوى عندى ولكنى فى لحظة أخرى أكتشفت إختلاف واحد.." أن فى الحياة فإننا نواجه جميع صعابها ونحن نعلم أن الفرج سيكون قريبا بإذنه سبحانه ـــ أما فى الموت فهو نعيم خالد أو عذاب خالد "...وعند ذلك وجدت أن نعيم الدنيا كله لايساوى شئ...إلا نظرة حب من شخص تحبه أو كلمة صدق فى وقت الشدة...و أأأأه على دعوة جميلة من الأم فى وقت الضيق...ورجعت بعد الدفن للبيت وأنا أفكر فى كل ذلك...وعزمت على الكتابة لأتذكر هذا الموقف بعد أن تلهينى الحياة بأوهامها ومتاعبها أحلامها

ولكن أريد أن أذكر فقط تلك النظرة فى عينى صديقى فبعد أن كنت أرى بريق الشباب فيهما...وجدتهما وقد إستبدلتا ذلك بشرر تحمل المسئولية و التيه فى بحر الرجولة والكبر

فهل فعلا يتساوى الموت مع الحياة فى دنيا لا يشعر فيها أحد بمن حوله ...أم للدنيا شهواتها وملذاتها التى نحب أن نغرق فيها وبعد كده نبقى نفتكر الموت عندما نجد أن موت أنسان قريب هو اللى بيفكرنا ؟؟...أنا بجد معجب بحالى و عاوز أطلع كل اللى جوايا عشان أوصف الحالة اللى انا فيها بس حاسس ان الشعور ده لا يمكن يتوصف أبدا بالكلمات هو فقط يمكن الأحساس به ولا يمكن وصفـــــــــــــــــــــــــه

أنا قلت ايه بقى...أغير شوية وأريح من الكتابة عشان محدش يزهق ويقول "هو كله كتابة كتابة "...وكمان انا عارف ان الصيف دخل بقى والأمتحانات تمام التمام والأجازة بدأت فعلا ...لأننى لسة واخد الأجازة يدوب من ساعتين...كنت بناقش مشروع التخرج بتاعى والحمد لله....المهم أنا قلت أجيبلكم تشكيلة الجينز دى عشان أما تيجوا تنزلوا تنقوا لبس الصيف تكون الحياة لذيذة معاكم...وأجازة ان شاء الله " جامدة " ليكم كلكم

بس طبعا الكلام علينا احنا طبعا...ولا إيه؟؟

أصعب أبتسامه ....

من الصعب على الإنسان أن ينسى أشياء عزيزه عليه فقدها ...

وقلوباً أحبها ... فرقت الظروف بينه وبينها ..!!

ولكل إنسان قلب و عقل : قلب يحمل المحبه والوفاء...

و عقل يحمل ذاكره تحوي كل عزيز....

من الصعب على الإنسان أن يعيش حياته بدون أحلام ....بدون أمنيات ..

ومن الصعب أن يحتمل فقدان إحداها ...

وعندما يفقد إحداها فأنه يلجاء إلى بلسم الجراح " الذكرى "

حينما يتذكر أشياء كثيره فقدها ...

يبتسم قليلاً ثم تنهمر دموعه على وجنتيه ...

ثم تهدأ نفسه لأنه يعرف أن هذه الإْشياء أصبحت ذكرى وأحلاماً مضت

وأنه يعيش الحاضر...

فيبتسم أملآ وتفاؤلاً لإيمانه الشديد بأن القدر يخبء له الفرح إلى جانب

الحزن والدموع ...إلى جانب السعاده...

والإنسان بدون حزن ودموع لا يشعر بطعم السعاده ولا حرارة الضحكات ...

فلتبتسم إذن أيها الإنسان ... أبتسم لحاضرك ولمستقبلك ولماضيك

....

....

....

ولكن..

دون أن تنسيك الإبتسامه دمعتك عند الحاجه اليها

**********************

أبتسم دائما...أبتسم لكل شئ من حولك...لكل شخص سواء تعرفه أو لا تعرفه فالإبتسامة في وجه

أخيك صدقة لماذا تبخل على الآخرين وعلى نفسك بها فأنت بحاجة لها دائما فهي توحي

إلى الآخرين بالأطمئنان وتحاول انت ان تشعر نفسك بها بالسعادة

فيامرحى للضحك ولكن مع الحذر

فكثرة الضحك تميت القلب

أغنية جميلة جدا لفيروز وطبعا غنية عن أى تعريف

from Fairuz 2 U

Rema

Fairuz

والأغنية التانية لصوت جميل وكيوت جدا عايدة الأيوبى

from Aida El_Ayobi

Nami

Mazakony.Com Aida Al Ayouby

i hope u find it nice..................MADO